Yurist hám bloger Bahodir Ahmedovtıń telegram kanalında “DTM skanerlarini ta’mirlabdi” atlı post járiyalandı.

Onda Oraydıń málim etiwinshe, ámeldegi jılda oqıwǵa qabıllaw máwsimine tayarlıq maqsetinde danası 200.000$ turatuǵın bul skanerler tolıq ónlawdan ótkerilgenligi hám skanerlerdiń juwaplar betin tekseretuǵın awısıq bólekleri jańalaǵanlıǵı haqqında jazılǵan hám “mámleketlik test orayı” kanalına silteme kórsetken.

Sonday-aq, bul postta “Buǵan sebep sıpatında ótken jılǵı imtixanlar ashıq hawada, stadion hám qıyabanlarda ótkerilgenligi ushın abiturientlerdiń juwaplar beti ústine shań otırǵan hám nátiyjede juwaplar betin tekseretuǵın DTM optik skaner apparatlarında nasazlıqlar gúzetilgen. Abiturientlerdiń nátiyjeleri qáte tekserilgen” deb jazılǵan.

Bul boyınsha tómendegilerdi málim etemiz:

• Bahodir Ahmedov silteme kórsetken telegram kanalı Mámleketlik test orayına tiyisli emes hám Mámleketlik test orayınıń rásmiy telegram kanalı @dtmuzb esaplanadı.
• Ótken jılǵı imtixanlarda optik skaner apparatlarında nasazlıqlar gúzetiliwi aqıbetinde abiturientlerdiń nátiyjeleri qáte tekserilmegen.

Mámleketlik test orayı jáne bir mártebe barlıq ǵalaba xabar quralları, blogerler hám kanal administratorlarınan Mámleketlik test orayına tiyisli maǵlıwmatlardı beriwde Mámleketlik test orayına múrájat etiwin hám olarǵa anıqlıq kirgizip alıwın soraydı hám de olar menen birge islesiwge tayar ekenligin málim etedi.

Mámleketlik test orayı xabar xızmeti