Test sinovlari shaxsni identifikatsiyalash vositalari, videofiksatsiya hamda doimiy videokuzatuv qurilmalari bilan jihozlangan 66 ta katta sig‘imli binoda “Matematika”, “Fizika”, “Ona tili va adabiyoti”, “Chet tili” va “Kimyo” fanlari bo‘yicha o‘tkazildi.

Test sinovlarida ikki smenada jami
71 ming 340 nafar abiturient ishtirok etishi belgilangan edi. Shundan, 69 ming 702 nafari test sinovlarida ishtirok etdi.

Test sinovlariga 1 580 nafar abiturient kelmadi.

Test sinovlari tartib qoidalarini buzganligi sababli 27 nafar abiturient hududga kirish joyida, 31 nafar binoda qoidani buzganligi uchun test sinovlaridan chetlashtirildi.

Bakalavriat ta’lim yo‘nalishi bo‘yicha eng yuqori ball:

a) kunduzgi ta’lim shakli bo‘yicha:

Toshkent axborot texnologiyalari universitetining 5330501 – Kompyuter injiniring ta’lim yo‘nalishi – 187,9 ball;

b) sirtqi ta’lim shakli bo‘yicha:

Toshkent davlat texnika universitetining 5310900 – Metrologiya, standartlashtirish
va mahsulot sifati menejmenti ta’lim yo‘nalishi – 158,2 ball;

c) kechki ta’lim shakli bo‘yicha:

Toshkent davlat sharqshunoslik institutining 5231006 – Xorijiy mamlakatlar iqtisodiyoti va mamlakatshunoslik: Xitoy ta’lim yo‘nalishi – 136,8 ball.