Respublika oliy ta’lim muassasalarining bakalavriatiga o‘qishga kirish uchun o‘tkazilgan test sinovlarining o‘n beshinchi kuni – 13 avgust natijalari quyidagicha: 
Test sinovlari shaxsni identifikatsiyalash vositalari, videofiksatsiya hamda doimiy videokuzatuv qurilmalari bilan jihozlangan 25 ta katta sig‘imli binoda barcha umumta’lim fanlari bo‘yicha o‘tkazildi.

Test sinovlarida ikki smenada jami 22 ming 977 nafar abiturient ishtirok etishi belgilangan edi. Shundan, 22 ming 417 nafari test sinovlarida ishtirok etdi.

Test sinovlariga 546 nafar abiturient kelmadi.

Test sinovlari tartib qoidalarini buzganligi sababli 2 nafar abiturient hududga kirish joyida, 12 nafar abiturient binoda qoidani buzganligi uchun test sinovlaridan chetlashtirildi.

Bakalavriat ta’lim yo‘nalishi bo‘yicha eng yuqori ball: 

a) kunduzgi ta’lim shakli bo‘yicha:
Toshkent davlat o‘zbek tili va adabiyoti universitetining 5111200 – O‘zbek tili va adabiyoti ta’lim yo‘nalishi – 222,9 ball (175,9 ball test sinovlari natijasi, 47 ball kasbiy (ijodiy) imtihon natijasi);
O‘zbekiston davlat jahon tillari universitetining
5120113 – Filologiya va tillarni o‘qitish: nemis tili ta’lim yo‘nalishi – 189,0 ball;
O‘zbekiston davlat jahon tillari universitetining
5111400 – Xorijiy til va adabiyot: ingliz tili ta’lim yo‘nalishi – 189,0 ball;
O‘zbekiston davlat jahon tillari universitetining
5120112 – Filologiya va tillarni o‘qitish: ingliz tili ta’lim yo‘nalishi – 189,0 ball;
Qoraqalpoq davlat universitetining 
5240100 – Yurisprudensiya ta’lim yo‘nalishi – 189,0 ball;

b) sirtqi ta’lim shakli bo‘yicha:
Navoiy davlat pedagogika institutining 
5111200 – O‘zbek tili va adabiyoti ta’lim yo‘nalishi – 169,0 ball;

v) kechki ta’lim shakli bo‘yicha:
O‘zbekiston davlat jahon tillari universitetining
5120112 – Filologiya va tillarni o‘qitish: ingliz tili ta’lim yo‘nalishi – 167,0 ball;