Respublika oliy ta’lim muassasalarining bakalavriatiga o‘qishga kirish uchun o‘tkazilgan test sinovlarining o‘n ikkinchi kuni – 9 avgust natijalari quyidagicha: 
Test sinovlari shaxsni identifikatsiyalash vositalari, videofiksatsiya hamda doimiy videokuzatuv qurilmalari bilan jihozlangan 56 ta katta sig‘imli binoda “Matematika”, “Ona tili va adabiyoti”, “Chet tili”, “Kimyo”, “Biologiya” va “Tarix” fanlari bo‘yicha o‘tkazildi.

Test sinovlarida ikki smenada jami 64 ming 320 nafar abiturient ishtirok etishi belgilangan edi. Shundan, 62 ming 697 nafari test sinovlarida ishtirok etdi.

Test sinovlariga 1 575 nafar abiturient kelmadi.

Test sinovlari tartib qoidalarini buzganligi sababli 20 nafar abiturient hududga kirish joyida, 28 nafar abiturient binoda qoidani buzganligi uchun test sinovlaridan chetlashtirildi.
 
Bakalavriat ta’lim yo‘nalishi bo‘yicha eng yuqori ball: 

a) kunduzgi ta’lim shakli bo‘yicha:
Toshkent davlat o‘zbek tili va adabiyoti universitetining 5120101 – Filologiya va tillarni o‘qitish: o‘zbek tili ta’lim yo‘nalishi – 213,6 ball (164,6 ball test sinovlari natijasi, 49 ball kasbiy (ijodiy) imtihon natijasi);
Toshkent davlat yuridik universitetining 
5240100 – Yurisprudensiya ta’lim yo‘nalishi – 189,0 ball;
O‘zbekiston davlat jahon tillari universitetining 5120112 – Filologiya va tillarni o‘qitish: ingliz tili ta’lim yo‘nalishi – 189,0 ball; 

b) sirtqi ta’lim shakli bo‘yicha:
O‘zbekiston milliy universitetining 
5120300 – Tarix ta’lim yo‘nalishi – 180,3 ball;

c) kechki ta’lim shakli bo‘yicha:
O‘zbekiston milliy universitetining 
5120112 – Filologiya va tillarni o‘qitish: ingliz tili ta’lim yo‘nalishi – 173,4 ball;