Respublika oliy ta’lim muassasalarining bakalavriatiga o‘qishga kirish uchun o‘tkazilgan test sinovlarining o‘n oltinchi kuni – 14 avgust natijalari quyidagicha: 
Test sinovlari shaxsni identifikatsiyalash vositalari, videofiksatsiya hamda doimiy videokuzatuv qurilmalari bilan jihozlangan 19 ta katta sig‘imli binoda barcha umumta’lim fanlari bo‘yicha o‘tkazildi.

Test sinovlarida ikki smenada jami 19 ming 929 nafar abiturient ishtirok etishi belgilangan edi. Shundan, 19 ming 396 nafari test sinovlarida ishtirok etdi.

Test sinovlariga 520 nafar abiturient kelmadi.

Test sinovlari tartib qoidalarini buzganligi sababli 2 nafar abiturient hududga kirish joyida, 11 nafar abiturient binoda qoidani buzganligi uchun test sinovlaridan chetlashtirildi.

Bakalavriat ta’lim yo‘nalishi bo‘yicha eng yuqori ball: 

a) kunduzgi ta’lim shakli bo‘yicha:
Toshkent davlat o‘zbek tili va adabiyoti universitetining 5111200 – O‘zbek tili va adabiyoti ta’lim yo‘nalishi – 229,4 ball (174,4 ball test sinovlari natijasi, 55 ball kasbiy (ijodiy) imtihon natijasi);
O‘zbekiston davlat jahon tillari universitetining 5111400 – Xorijiy til va adabiyot: ingliz tili ta’lim yo‘nalishi – 189,0 ball;
O‘zbekiston davlat jahon tillari universitetining 5120112 – Filologiya va tillarni o‘qitish: ingliz tili ta’lim yo‘nalishi – 189,0 ball;
Toshkent davlat yuridik universitetining 5240100 – Yurisprudensiya ta’lim yo‘nalishi – 189,0 ball;

b) sirtqi ta’lim shakli bo‘yicha:
O‘zbekiston Milliy universitetining 5120101 – Filologiya va tillarni o‘qitish: o‘zbek tili ta’lim yo‘nalishi – 161,9 ball;

v) kechki ta’lim shakli bo‘yicha:
Qoraqalpoq davlat universitetining 5240100 – Yurisprudensiya (faoliyat turlari bo‘yicha) ta’lim yo‘nalishi – 172,1 ball;