Respublika oliy ta’lim muassasalarining bakalavriatiga o‘qishga kirish uchun o‘tkazilgan test sinovlarining o‘ninchi kuni – 7 avgust natijalari quyidagicha: 
Test sinovlari shaxsni identifikatsiyalash vositalari, videofiksatsiya hamda doimiy videokuzatuv qurilmalari bilan jihozlangan 66 ta katta sig‘imli binoda “Matematika”, “Ona tili va adabiyoti”, “Chet tili”, “Kimyo”, “Biologiya” va “Tarix” fanlari bo‘yicha o‘tkazildi.

Test sinovlarida ikki smenada jami 71 ming 340 nafar abiturient ishtirok etishi belgilangan edi. Shundan, 69 ming 489 nafari test sinovlarida ishtirok etdi.
Test sinovlariga 1 789 nafar abiturient kelmadi.
Test sinovlari tartib qoidalarini buzganligi sababli 21 nafar abiturient hududga kirish joyida, 41 nafar abiturient binoda qoidani buzganligi uchun test sinovlaridan chetlashtirildi.

Bakalavriat ta’lim yo‘nalishi bo‘yicha eng yuqori ball: 
a) kunduzgi ta’lim shakli bo‘yicha:
Toshkent davlat o‘zbek tili va adabiyoti universitetining 5111200 – O‘zbek tili va adibiyoti ta’lim yo‘nalishi – 232,1 ball (176,1 ball test sinovlari natijasi, 56 ball kasbiy (ijodiy) imtihon natijasi);
Toshkent davlat yuridik universitetining 
5240100 – Yurisprudensiya ta’lim yo‘nalishi – 189,0 ball;
Buxoro tibbiyot institutining 
5510100 – Davolash ishi (Buxoro) ta’lim yo‘nalishi – 189,0 ball; 
b) sirtqi ta’lim shakli bo‘yicha:
Toshkent davlat o‘zbek tili va adabiyoti universitetining 5111200 – O‘zbek tili va adibiyoti ta’lim yo‘nalishi – 214,9 ball (167,9 ball test sinovlari natijasi, 47 ball kasbiy (ijodiy) imtihon natijasi);
Toshkent davlat sharqshunoslik institutining 5120300 – Tarix (mamlakat va mintaqalar) ta’lim yo‘nalishi – 170,3 ball;
v) kechki ta’lim shakli bo‘yicha:
Toshkent davlat sharqshunoslik institutining 5120700 – Jahon siyosati (mintaqalar bo‘yicha) ta’lim yo‘nalishi – 167,4 ball.