Respublika oliy ta’lim muassasalarining bakalavriatiga o‘qishga kirish uchun o‘tkazilgan test sinovlarining oltinchi kuni – 3 avgust natijalari quyidagicha:
Test sinovlari shaxsni identifikatsiyalash vositalari, videofiksatsiya hamda doimiy videokuzatuv qurilmalari bilan jihozlangan 66 ta katta sig‘imli binoda “Matematika”, “Fizika”, “Ona tili va adabiyoti”, “Chet tili”, “Kimyo” va “Biologiya” fanlari bo‘yicha o‘tkazildi.
Test sinovlarida ikki smenada jami 71 ming 340 nafar abiturient ishtirok etishi belgilangan edi. Shundan, 69 ming 702 nafari test sinovlarida ishtirok etdi.
Test sinovlariga 1 580 nafar abiturient kelmadi.
Test sinovlari tartib qoidalarini buzganligi sababli 27 nafar abiturient hududga kirish joyida, 31 nafar binoda qoidani buzganligi uchun test sinovlaridan chetlashtirildi.
Bakalavriat ta’lim yo‘nalishi bo‘yicha
eng yuqori ball:
a) kunduzgi ta’lim shakli bo‘yicha:
Toshkent moliya institutining
5230600 – Moliya ta’lim yo‘nalishi – 187,9 ball;
b) sirtqi ta’lim shakli bo‘yicha:
Toshkent moliya institutining
5230900 – Buxgalteriya ta’lim yo‘nalishi – 167,8 ball;
v) kechki ta’lim shakli bo‘yicha:
Toshkent davlat pedagogika universitetining 5111700 – Boshlang‘ich ta’lim va sport-tarbiyaviy ishi ta’lim yo‘nalishi – 132,2 ball.
2024-yilning 2-yarmida bo‘lib o‘tadigan chet tili imtihonlari