Respublika oliy ta’lim muassasalarining bakalavriatiga o‘qishga kirish uchun o‘tkazilgan test sinovlarining yettinchi kuni – 4 avgust natijalari quyidagicha:
Test sinovlari shaxsni identifikatsiyalash vositalari, videofiksatsiya hamda doimiy videokuzatuv qurilmalari bilan jihozlangan 66 ta katta sig‘imli binoda “Matematika”, “Fizika”, “Ona tili va adabiyoti”, “Chet tili”, “Kimyo”, “Biologiya” va “Tarix” fanlari bo‘yicha o‘tkazildi.
Test sinovlarida ikki smenada jami 71 ming 340 nafar abiturient ishtirok etishi belgilangan edi. Shundan, 69 ming 032 nafari test sinovlarida ishtirok etdi.
Test sinovlariga 2 259 nafar abiturient kelmadi.
Test sinovlari tartib qoidalarini buzganligi sababli 17 nafar abiturient hududga kirish joyida, 32 nafar binoda qoidani buzganligi uchun test sinovlaridan chetlashtirildi.
Bakalavriat ta’lim yo‘nalishi bo‘yicha eng yuqori ball:
a) kunduzgi ta’lim shakli bo‘yicha:
Toshkent moliya institutining
5230100 – Iqtisodiyot (tarmoqlar va sohalar bo‘yicha) – 189,0 ball;
b) sirtqi ta’lim shakli bo‘yicha:
Toshkent davlat iqtisodiyot universitetining
5230100 – Iqtisodiyot (tarmoqlar va sohalar bo‘yicha) – 183,5 ball;
c) kechki ta’lim shakli bo‘yicha:
Toshkent davlat sharqshunoslik institutining 5231006 – Xorijiy mamlakatlar iqtisodiyoti va mamlakatshunoslik: Xitoy ta’lim yo‘nalishi – 122,0 ball.
2024-yilning 2-yarmida bo‘lib o‘tadigan chet tili imtihonlari