2019-yilning 24-30-noyabr kunlari Davlat test markazining bir guruh xodimlari ish o‘rganish va xalqaro tajriba orttirish maqsadida Rossiya Federatsiyasida bo‘ldilar. Tashrif davomida M.V.Lomonosov nomidagi Moskva davlat universitetining “Psixologiya fakulteti”da psixologik test topshiriqlarini shakllantirish texnologiyalari bilan yaqindan tanishdilar.

Shuningdek, xodimlarimiz maxsus dastur asosida shaxsning intellektual qobiliyatini (IQ), mantiqiy fikrlashini va psixologik barqarorligini aniqlovchi test topshiriqlarini shakllantirish, natijalarini tahlil qilish hamda sohaga oid amalda qo‘llanib kelinayotgan xalqaro modellar bo‘yicha o‘z malakalarini oshirishga erishdilar.

Rossiya Federatsiyasida olingan tajribalar asosida shaxsning intellektual qobiliyati, mantiqiy fikrlashi va psixologik barqarorligini aniqlash bo‘yicha Davlat test markazi tomonidan ishlab chiqilgan test topshiriqlari xalqaro metodikalar asosida tizimlashtiriladi. Shuningdek, test topshiriqlari aprobatsiyadan o‘tkaziladi va aprobatsiya natijalarining ilmiy-statistik tahlili amalga oshiriladi.

Davlat test markazi matbuot xizmati