Ózbekstan Respublikası Ministrler Kabineti janındaǵı Mámleketlik test orayı tárepinen ana tili (ózbek, rus, qaraqalpaq) hám ádebiyatı páninen bilimdi bahalawdıń milliy test sistemasın jaratıw boyınsha belgilengen isler dawam etpekte.
2020-jıl 13-mart kúni rus tili hám ádebiyatı páninen aprobaciya test sınawları ótkerildi. Ilaj Mámleketlik test orayında hám Yunusabad rayonına qaraslı 51-ulıwma bilim beriw mektebinde 2-smenada shólkemlestirildi.
Aprobaciyada Tashkent qalası hám Tashkent wálayatındaǵı bilimlendiriw mekemeleriniń pitkeriwshileri qatnastı.
Test sınawı nátiyjeleri haqqında qosımsha xabar beriledi.
Mámleketlik test orayı xabar xızmeti
