O‘zbekiston Respublikasi Vazirlar Mahkamasi huzuridagi Davlat test markazi tomonidan ona tili (o‘zbek, rus, qoraqalpoq) va adabiyot fanidan bilimni baholashning milliy test tizimini yaratish bo‘yicha belgilangan ishlar davom etmoqda.

Ushbu vazifalar doirasida 2020-yil 13-mart kuni rus tili va adabiyoti fanidan aprobatsiya test sinovlari o‘tkazildi. Tadbir Davlat test markazida va Yunusobod tumaniga qarashli 51-umumta’lim maktabida 2-smenada tashkil etildi.

Aprobatsiya jarayonida Toshkent shahri va Toshkent viloyatidagi ta’lim muassasalari bitiruvchilari ishtirok etdilar.

Test sinovi natijalari to‘g‘risida qo‘shimcha xabar beriladi.

Davlat test markazi matbuot xizmati