2019-yil 7-noyabr kuni Samarqand davlat universiteti qoshidagi akademik litseyda Davlat test markazi direktor o‘rinbosari Xakberdiyev Kaxramon Kurbanovich rahbarligida Markaz faoliyatiga oid masalalar yuzasidan jismoniy va yuridik shaxslarning murojaatlarini shaxsan ko‘rib chiqish bo‘yicha sayyor qabul o’tkazildi.

Sayyor qabulda 200 dan ziyod abituriyentlar, pedagog kadrlar va ota-onalar ishtirok etdi.

Uchrashuv ochiq muloqot tarzida o‘tkazilib, unda Oliy ta’lim muassasalariga kirish test sinovlaridagi o’zgarishlar va yangiliklarga alohida e’tibor qaratildi.

Jumladan, O‘zbekiston Respublikasi Prezidentining 2019-yil  14-maydagi “Oliy ta’lim muassasalariga test sinovlari orqali qabul qilish tizimini takomillashtirish bo‘yicha qo‘shimcha chora-tadbirlar to‘g‘risida”gi PQ-4319-son qarori bo'yicha atroflicha ma’lumotlar berildi.

Davlat test markazi matbuot xizmati