Ministrler Kabineti janındaǵı Mámleketlik test orayı tárepinen usı jılda ámelge asırılıp atırǵan jumıslar, ámeldegi qarar hám pármanlardıń mazmun-mánisi menen tanıstırıw, jaslar hám ata-analardıń múrájatların orınlarda úyreniw maqsetinde kóshpeli qabıllawlar ótkerilmekte.

Usı maqsette shólkemlestirilgen ilaj 2021-jıl 3-fevral kúni Samarqand wálayatınıń Jambay hám Taylaq rayonlarında bolıp ótti.

Mámleketlik test orayı direktorı orınbasarı Sh.Batirov basshılıǵında Mámleketlik test orayınıń Samarqand wálayatı bólimi xızmetkerleri menen Jambay rayonı 10-sanlı Balalar muzıka hám kórkem-óner mektebiniń belsendiler zalında hám de Taylaq rayonı 60-sanlı ulıwma bilim beriw mektebiniń belsendiler zalında shólkemlestirilgen usınday ilajlarda wálayat Xalıq bilimlendiriw basqarması, Jambay hám Taylaq rayonlarınıń xalıq bilimlendiriw hákimshiligi, sonday-aq ulıwma bilim beriw mektep basshıları, oqıtıwshıları, oqıwshıları hám de máhálle belsendileri qatnastı.

Kóshpeli qabıllawda Mámleketlik test orayınıń juwapker xızmetkerleri tárepinen tiykarǵı itibar Ózbekstan Respublikası Prezidenti hám Ministrler Kabinetiniń bilimlendiriw mekemelerine qabıllaw test sınaqlarınıń ádalatlılıǵı hám áshkaralıǵın támiyinlew, test tapsırıwshılar ushın jáne de keń shárt-sharayat hám imkaniyatlar jaratıw boyınsha qabıllanǵan párman ham qararlardıń mazmun-mánisin túsındiriwge qaratıldı.

Sonıń menen birge, usı jılı joqarı bilimlendiriw mekemeleriniń bakalavriat bilim baǵdarlarına qabıllaw test sınaqların ápiwayılastırıw, test sınaǵın ótkeriw boyınsha ózgeris hám jańalıqlar, tiyisli ministrlik hám organlar menen birgelikte bul boyınsha ámelge asırılıp atırǵan jumıslardıń áhmiyeti hám usı sıyaqlı máselelerge qızıǵıwshılıq joqarı boldı.

Mámleketlik test orayı xabar xızmeti