2021-jılda kóshpeli qabıllawlar ótkeriw rejesine bola Mámleketlik test orayınıń adminstraciyası qatnasında orınlarda kóshpeli qabıllawlar bolıp ótpekte.

Náwbettegi áne sonday ilajlar Mámleketlik test orayınıń direktorı Karimov Madjit Malikovich tárepinen Qashqadárya wálayatında ótkerildi.

2021-jıl 6-dekabr kúni Ózbekstan Respublikası Prezidentiniń Qashqadárya wálayatındaǵı Xalıq qabıllawxanası hám Qarshı rayonında shólkemlestirilgen kóshpeli qabıllawlar ashıqtan-ashıq sóylesiw tárizinde ótkerilip, máhálle wákilleri, pitkeriwshi jaslar, mektep oqıtıwshıları, ata-analar, wálayat xalıq bilimlendiriw basqarmaları, oqıw orınlarınıń basshıları qatnastı.

Qabıllar dawamında aymaqlarda puqaralar, ata-analar, pitkeriwshi klass oqıwshıları menen ushırasıwlar shólkemlestirildi, mashqala hám usınıslar ornında úyrenildi hám óziniń sheshimin taptı, sonday-aq, tarawda ámelge asırılıp atırǵan reformalar hám jańalıqlar menen tanıstırıp ótildi.

Mámleketlik test orayınıń málimleme xızmeti