2021-yil 23-dekabr kuni Farg‘ona viloyatida Davlat test markazi direktorining o‘rinbosari Radjabov Sardor Baxtiyorovich tomonidan navbatdagi sayyor qabullar o‘tkazildi.

Sayyor qabullar Farg‘ona shahridagi Prezident xalq qabulxonasi va Farg‘ona shahridagi 41-son ayrim fanlar chuqurlashtirib o‘rgatiladigan ixtisoslashtirilgan davlat umumta’lim maktabida tashkil etildi.

Bo‘lib o‘tgan sayyor qabullar davomida fuqarolar shaxsan qabul qilindi, ularning murojaatlari eshitildi va vakolat doirasiga kiruvchi masalalar yuzasidan normativ-huquqiy asoslar, bu borada fuqarolarning huquqlari tushuntirildi, yo‘l-yo‘riqlar, yo‘nalishlar ko‘rsatildi.

Shuningdek, oxirgi yillarda oliy ma’lumotli kadrlar tayyorlash bo‘yicha saralash turlari, tahsil olishda ta’lim tizimi rivojlangan davlatlar tajribasi, abituriyent yoki talaba bilimini baholashning zamonaviy shakl va usullari, texnologiyalari to‘g‘risida, mamlakatimizda oliy ma’luot olish uchun yaratilgan va yaratilayotgan shart-sharoitlar, imkoniyat va imtiyozlar to‘g‘risida keng ma’lumotlar berildi.

Qizg‘in savol-javob tarzida o‘tgan qabullar davomida ishtirokchilar o‘zlarini qiziqtirgan barcha savollarga batafsil va asosli javob oldilar.

Davlat test markazi matbuot xizmati