Davlat test markazi mutaxassislari tomonidan shaxsning intellektual qobiliyatini aniqlashga yo‘naltirilgan test topshiriqlari ishlab chiqilib, aprobatsiyadan o‘tkazildi.

Mazkur test topshiriqlari J.Raven metodikasi asosida ishlab chiqilgan muqobil pedagogik o‘lchov vositasi (progressiv matritsa shkalasi) hisoblanadi.

“Progressiv matritsa” testi shaxsning intellektual rivojlanish darajasini aniqlash uchun mo‘ljallangan bo‘lib, tizimlashtirilgan test topshiriqlari sinaluvchining tizimli, uslubiy intellektual faoliyat (mantiqiy fikrlash) qobiliyatini baholashga qaratilgan.

Test topshiriqlari aprobatsiyasi barcha hududlarda tashkil etilib, unga akademik litseylarning 2-kurs o‘quvchilari va mazkur akademik litseylarda faoliyat yuritayotgan o‘qituvchilar jalb etildi.

12-apreldan 16-aprelga qadar davom etgan aprobatsiyada 1000 nafardan ziyod talabgorlar ishtirok etdi.

Davlat test markazi matbuot xizmati