Mámleketlik test orayı qánigeleri tárepinen J.Raven metodikası tiykarında shaxstıń intellektuallıq qábiletin (IQ) anıqlawǵa baǵdarlanǵan test tapsırmaları islep shıǵılıp, test tapsırmalarınıń aprobaciyası ótkerilmekte.

Náwbettegi aprobaciya 2020-jıl 17-yanvar kúni mámleketlik test orayında http://iq.dtm.uz/ saytı arqalı dizimnen ótken túrli jas dárejesindegi talabanlar qatnasında ótkerildi.

Házirde nátiyjelerdi esaplaw jumısları ámelge asırılmaqta.

Test nátiyjeleri esaplanıp, talqılanǵannan soń qatnasıwshılardıń nátiyjeleri Mámleketlik test orayınıń rásmiy veb-saytına jaylastırıladı hám qatnasıwshılar óz nátiyjelerin kóriwleri múmkin.

Shaxstıń intellektuallıq qábiletin (IQ) anıqlawǵa baǵdarlanǵan test tapsırmaları boyınsha dáslepki aprobaciya 11-yanvar kúni Tashkent politexnika kásip-óner kolledjinde 81 pitkeriwshi hám oqıtıwshılar qatnasında ótkerilgen edi.

Usı aprobaciya nátiyjeleri esaplandı hám analiz etildi.

Onda tómendegi nátiyjeler dizimge alındı:

• Tómen intellekt dárejesi – 11;
• Ortashadan tómen intellekt dárejesi – 23;
• Ortasha intellekt dárejesi – 41;
• Ortashadan joqarı intellekt dárejesi – 4;
• Joqarı intellekt dárejesi – 2.

Aprobaciyalar biypul tárizde ótkerilmekte.

Mámleketlik test orayı xabar xızmeti