Davlat test markazi mutaxassislari tomonidan J.Raven metodikasi asosida shaxsning intellektual qobiliyatini (IQ) aniqlashga yo‘naltirilgan test topshiriqlari ishlab chiqilib, test topshiriqlarining aprobatsiyasi o‘tkazilmoqda.

Navbatdagi aprobatsiya 2020-yil 17-yanvar kuni Davlat test markazida http://iq.dtm.uz/ sayti orqali ro‘yxatdan o‘tgan turli yosh darajasidagi talabgorlar ishtirokida o‘tkazildi.

Hozirda test natijalarini hisoblash ishlari amalga oshirilmoqda.

Test natijalari hisoblanib, tahlil qilingandan so‘ng ishtirokchilarning natijalari Davlat test markazining rasmiy veb-saytiga joylashtiriladi va ishtirokchilar o‘z natijalarini ko‘rishlari mumkin bo‘ladi.

Shaxsning intellektual qobiliyatini (IQ) aniqlashga yo‘naltirilgan test topshiriqlari bo‘yicha dastlabki aprobatsiya 11-yanvar kuni Toshkent politexnika kasb-hunar kollejida 81 nafar bitiruvchilar va o‘qituvchilar ishtirokida o‘tkazilgan edi.

Ushbu aprobatsiya natijalari hisoblandi va tahlil qilindi.

Unda quyidagi natijalar qayd etildi:

• Past intellekt darajasi – 11 nafar;
• O‘rtachadan past intellekt  darajasi – 23 nafar;
• O‘rtacha intellekt darajasi – 41 nafar;
• O‘rtachadan yuqori intellekt darajasi – 4 nafar;
• Yuqori intellekt darajasi – 2 nafar.

Izoh: aprobatsiyalar bepul tarzda o‘tkazilmoqda.

Davlat test markazi matbuot xizmati