Сhet tilini bilish va egallash darajasini aniqlash hamda davlat namunasidagi malaka sertifikat olish maqsadida o`tkazilgan test sinovi haqida tahliliy ma’lumot

Oʻzbekiston Respublikasi Vazirlar Mahkamasining 2013 yil 31 dekabrdagi “Chet tilini bilish darajasini aniqlash va malaka sertifikati berish tartibi toʻgʻrisidagi Nizomni tasdiqlash haqida” 352-son qarorida belgilangan vazifalar ijrosini taʼminlash maqsadida 2018 yilning fevral, aprel va oktabr oylarida test sinovlari oʻtkazildi.

Chet tilini bilish va egallash darajasini aniqlash hamda davlat namunasidagi A2, B1, B2 va C1 darajali malaka sertifikatlarini olish uchun 2018 yilda 13783 nafar talabgorlardan (13233 ta ingliz, 181 ta nemis, 74 ta fransuz, 271 ta arab, 15 ta koreys, 4 ta yapon, 2 ta turk, 2 ta fors va 1 ta xitoy) arizalar qabul qilindi. Test sinovlari natijasiga muvofiq talabni bajargan talabgorlar soni 6206 ta boʻlib, ulardan 6003 nafarga ingliz, 87 nafariga arab, 23 nafariga fransuz, 81 nafariga nemis, 6 nafariga koreys, 2 nafariga yapon, 2 nafariga turk, 2 nafariga fors tillari boʻyicha chet tilini bilish darajasi haqida davlat namunasidagi A2, B1, B2 va C1 darajali malaka sertifikatlari berildi.

Oʻzbekiston Respublikasi Vazirlar Mahkamasining 2017 yil 11 avgustdagi “Taʼlim muassasalarida chet tillarini oʻqitishning sifatini yanada takomillashtirish chora-tadbirlari toʻgʻrisida”gi 610-son qarorida abiturientlar, oʻquvchi-talabalar va oʻqituvchilar uchun koʻzda tutilgan bir qator imtiyozlar talabgorlar sonini keskin oshishiga sabab boʻldi (taqqoslash uchun 610-son qarori qabul qilinishidan avval, 2017 yilda 423 ta ariza qabul qilingan, shulardan ijobiy baholangan talabgorlar soni 215 ta).

Talabgorlarning aksariyat qismi OTMlarga kiruvchi abiturientlar boʻlib, B1 daraja boʻyicha test sinovida qatnashdilar va ularning natijalari quyidagicha:

B1 darajasi boʻyicha talabgorlarning 98,2% ingliz tili fanidan boʻlib, hudud boʻyicha quyidagi jadvalda koʻrish mumkin.

Ingliz tili B1 daraja

Test sinovlarida qatnashish uchun ariza topshiruvchilar soni Toshkent shahri (2516), Fargʻona viloyati (1718), Xorazm viloyati (1213), Namangan viloyati (1061) yuqori koʻrsatgichga ega. Sirdaryo viloyati (175), Qoraqalpogʻiston Respublikasi (368), Surxondaryo viloyati (377) bu borada past koʻrsatkichga ega.

Ijobiy baholanganlar orasida yuqori koʻrsatkichga ega viloyatlar Buxoro viloyati (58%), Navoiy viloyati (53,2%), Qoraqalpogʻiston Respublikasi (48,6%), aksincha foiz jihatdan boshqa hududlarga qaraganda pastroq natijaga erishganlar Samarqand viloyati (35,2%), Qashqadaryo viloyati (36,6%), Sirdaryo viloyati (40%) dir.

Nemis va franstuz tillari B1 daraja boʻyicha talabgorlarning natijalarini quyidagi jadvalda koʻrish mumkin:

Jadvaldan koʻrinib turibdiki, nemis tilidan sertifikat olish talablarini bajarganlar salmogʻi Fargʻona viloyati va Xorazm viloyati (66,7%), Toshkent shahri (62,5%) da yuqori.

Fransuz tili boʻyicha talabgorlarning til bilish darajasi nisbatan sust. Ijobiy baholanganlar salmogʻi Xorazm viloyati (47,4%) va Toshkent shahri (45,5%) da nisbatan yuqori.

B2 daraja boʻyicha ariza topshirgan talabgorlarning umumiy soni 798 ta boʻlib, ijobiy baholanganlar 387 (48,5%) tani tashkil etdi.

Shulardan, ingliz tili B2 daraja boʻyicha ariza topshirgan talabgorlar soni 509 ta boʻlib, ijobiy baholanganlar 291 tani (57,2%) va arab tili B2 daraja boʻyicha ariza topshirgan talabgorlar soni 251 ta boʻlib, ijobiy baholanganlar 76 (30,3%) tani tashkil etdi.