O‘zbekiston Respublikasi Vazirlar Mahkamasi huzuridagi Davlat test markazi rahbariyati tomonidan Markaz faoliyatiga oid masalalar yuzasidan jismoniy va yuridik shaxslarning murojaatlarini shaxsan ko‘rib chiqish bo‘yicha Davlat test markazi direktori o‘rinbosari Xakberdiyev Kaxramon Kurbanovich rahbarligida sayyor qabullar o‘tkaziladi.

Fuqarolar Davlat test markazi faoliyatiga oid masalalar yuzasidan quyidagi manzillarga belgilangan muddatlarda murojaat qilishlari mumkin:

• Sirdaryo viloyatida – 2019-yil 14-dekabr kuni soat 10:00 da, Guliston shahar, Yangi hayot mahallasi, Binafsha ko‘chasi, 59-uy manzili, Xorijiy tillarga ixtisoslashtirilgan umumta’lim maktab-internati binosida;
• Jizzax viloyatida – 2019-yil 14-dekabr kuni soat 13:00 da, Jizzax shahar, Saylgoh mahallasi, Narimanov ko‘chasi, 44-uy manzili, JizDPI qoshidagi Sayljoy akademik litseyi binosida o‘tkaziladi.

Davlat test markazi matbuot xizmati