O’zbekiston Respublikasi Prezidenti tomonidan xalq ta’limi tizimini isloh qilish bo’yicha belgilangan vazifalar ijrosini ta’minlash hamda Sirdaryo viloyatini ta’lim sifati bo’yicha namunali hududga aylantirish uchun Sirdaryo viloyatidagi maktab direktorlari, viloyat xalq ta’limi boshqarmasi hamda tuman (shahar) xalq ta’limi bo’limi xodimlarining rahbarlik qobiliyati va boshqaruv mahorati, metodistlar va o’qituvchilarning tegishli fan va davlat tili bo’yicha bilimlarini aniqlash maqsadida test sinovlari tashkil etildi.

Test sinovlari 2019-yil 7-15 oktabr kunlari Guliston shahridagi “Alpomish” sport majmuasida har kuni 3 smenada, video kuzatuv ostida, ochiq, oshkora hamda xavfsizlikni to’liq ta’minlagan holda bo’lib o’tdi.

Sirdaryo viloyati xalq ta’limi tizimida faoliyat yuritayotgan 12 371 nafar o‘qituvchi va xodimlar o‘z mutaxassisligi bo‘lgan fandan 30 ta, davlat tilidan 20 ta, jami 50 ta test topshiriqlari bo'yicha ikki soat mobaynida test sinovlarini topshirdilar.

Davlat test markazi matbuot xizmati