Sohaga oid muammolarni joyida o‘rganish, hal qilish hamda zarur maslahat, yo‘l-yo‘riqlar ko‘rsatish maqsadida Bilimni baholash agentligi tomonidan sayyor qabullar tashkil etilmoqda.

Navbatdagi sayyor qabul 2024-yil 2-may kuni Bilimni baholash agentligi direktori Karimov Madjit Malikovich tomonidan Sirdaryo viloyatida o‘tkazildi.

Mazkur tadbir Guliston davlat universitetining Ma’naviyat va ma’rifat markazi binosida aholi vakillari, talabalar, maktab bitiruvchlari va ularning ota-onalari uchun tashkil etildi.

Sayyor qabul davomida Bilimni baholash agentligi faoliyatiga tegishli masalalar bilan murojaat qilgan fuqarolar shaxsan qabul qilinib, ko‘tarilgan masalalarni hal qilishga yaqindan yordam berildi.