Bilimni baholash agentlik direktori M.Karimov 2-4 may kunlari Sirdaryo viloyatida xizmat safarida bo‘lib, agentlikning Sirdaryo viloyati bo‘limi binosi qurilish ishlari bilan tanishdi, mas’ul xodimlarga qolgan ishlarni ham qisqa muddatda yakunlash choralarini ko‘rish lozimligi, tashqi kommunikatsiya ishlari, ota-onalar kutish joyi, obodonlashtirish va boshqa zarur bo‘ladigan ishlarni sifatli darajada yakuniga yetkazish bo‘yicha o‘zining taklif va tavsiyalarini berdi.

M.Karimov tomonidan mazkur bino viloyat yoshlari uchun juda muhim ahamiyatga ega bo‘lgan obyekt ekanligi, bu yerda yoshlarimizga barcha shart-sharoitlar yaratilib, ularga test sinovlarini  yilning istalgan vaqtida topshirish imkoniyatini beruvchi chet tillari va umumta’lim fanlaridan milliy sertifikat imtihonlari, diagnostik testlar va boshqa test sinovlari doimiy tashkil etilishi ma’lum qilindi.

Shuningdek, viloyatda 2024 - 2025-o‘quv yilida oliy ta'lim muassasalariga qabul test sinovlari o‘tkazilishi rejalashtirilgan katta sig‘imli binolar bilan ham tanishildi. Mazkur binolarda abituriyentlar uchun  barcha zarur sharoitlarni yaratish, mavjud imkoniyatlardan samarali foydalanish bo‘yicha fikr almashildi.