O‘zbekiston Respublikasi Sudyalar oliy kengashi huzuridagi Sudyalar oliy maktabi magistraturasiga kirish test sinovlari 2022-yil 22-avgust kuni 17:00 da Toshkent shahridagi G‘alaba bog‘ida bo‘lib o‘tadi.

Test sinovlari mutaxassislik va chet tili (ingliz, nemis, fransuz) fanlaridan o‘tkaziladi.

Bunda talabgorlarga har bir fandan 30 tadan jami 60 ta test topshirig‘i va ularni ishlash uchun 2 soat vaqt ajratiladi.

Chet tili bo‘yicha B2 va undan yuqori darajadagi milliy va xalqaro sertifikatga ega talabgorlar chet tili bo‘yicha imtihondan ozod qilinadi va ularga shu fan doirasida olish mumkin bo‘lgan maksimal ball beriladi. Ularga test sinovida mutaxassislik fani uchun 1 soat vaqt ajratiladi.

Test sinovlarida to‘plash mumkin bo‘lgan maksimal ball – 126 ball bo‘lib, mutaxassislik fani bo‘yicha har bir tog‘ri javob uchun 3,1 balldan (jami 93 ball), chet tili fani bo‘yicha esa 1,1 balldan (jami 33 ball) beriladi.

Talabgorlardan test sinovi o‘tkaziladigan hududga shaxsini tasdiqlovchi hujjat bilan 16:00 dan kechikmagan holda kelishlari so‘raladi.

Davlat test markazi axborot xizmati