O‘zbekiston Respublikasi Prezidenti Administratsiyasi va Vazirlar Mahkamasining topshiriqlariga muvofiq Surxondaryo viloyati xalq ta’limi tizimidagi rahbar va pedagog xodimlari uchun test sinovlari o‘tkazildi.

Test sinovlari Surxondaryo viloyatidagi maktab direktorlari, viloyat xalq ta’limi boshqarmasi hamda tuman (shahar) xalq ta’limi bo‘limi xodimlarining rahbarlik qobiliyati va boshqaruv mahorati, metodistlar va o‘qituvchilarning tegishli fan va davlat tili bo‘yicha bilimlarini aniqlash maqsadida tashkil etildi.

Test sinovlari 2019-yilning 26-noyabridan 10-dekabrigacha Termiz shahridagi “Alpomish” sport majmuasida har kuni 3 smenada, video kuzatuv ostida, ochiq, oshkora hamda xavfsizlikni to‘liq ta’minlagan holda bo‘lib o‘tdi.

Jarayonda 32 769 nafar rahbar va pedagog xodimlar ishtirok etishi rejalashtirilgan bo‘lib, shundan 32 022 nafari test sinovida ishtirok etdi, 747 nafarining esa ishtiroki ta’minlanmadi.

Ular o‘z mutaxassisligi bo‘lgan fandan 30 ta, davlat tilidan 20 ta, jami 50 ta test topshiriqlari bo‘yicha ikki soat mobaynida test sinovlarida ishtirok etdi.

Eslatib o‘tamiz, 7-15-oktabr kunlari Sirdaryo viloyati xalq ta’limi xodimlari uchun test sinovlari o‘tkazilgan edi.

Davlat test markazi matbuot xizmati