Ózbekstan Respublikası Prezidenti Administraciyası hám Ministrler Kabinetiniń tapsırmalarına muwapıq Surxandárya wálayatı xalıq bilimlendiriw sistemasındaǵı basshı hám pedagog xızmetkerleri ushın test sınawları ótkerildi. 

Test sınawları Surxandárya wálayatındaǵı mektep direktorları, wálayat xalıq bilimlendiriw basqarması hám de rayon (qala) xalıq bilimlendiriw bólimi xızmetkerleriniń basqarıwshılıq qábileti hám basqarıw sheberligi, metodistler hám oqıtıwshılardıń tiyisli pán hám mámleketlik tili boyınsha bilimlerin anıqlaw maqsetinde shólkemlestirildi.

Test sınawları 2019-jıldıń 26-noyabrinen 10-dekabrine shekem Termiz qalasındaǵı “Alpomish” sport kompleksinde hár kúni 3 smenada, video gúzetiw astında, ashıq, áshkara hám de qáwipsizlik tolıq támiyinlengen halda bolıp ótti.

Onda 32 769 basshı hám pedagog xızmetkerler qatnasıwı jobalastırılǵan bolıp, sonnan test sınawında qatnasqanlar sanı 32 022. Sınawda qatnası támiyinlenbegenler sanı 747.

Olar óz qánigeligi bolǵan pánnen 30, mámleketlik tilinen 20, jámi 50 test tapsırmaları boyınsha eki saat dawamında sınawdan ótti. 

Esletip ótemiz, 7-15-oktyabr kúnleri Sırdárya wálayatı xalıq bilimlendiriw xızmetkerleri ushın test sınawları ótkerilgen edi.

Mámleketlik test orayı xabar xızmeti