Davlat test markazi markaziy apparati va viloyatlardagi bo‘limlari tomonidan joylarda muntazam uchrashuvlar, davra suhbatlari, ochiq muloqotlar tashkil etilmoqda.

Bo‘lim boshlig‘i U.Noraliyev, bosh mutaxassislar X.Abdurahmonov, A.Muhamedovlar ishtirokida o‘tkazilgan ana shunday uchrashuvlardan biri 2020-yil 12-fevral kuni Toshkent davlat sharqshunoslik instituti qoshidagi akademik litseyda tashkil etildi. Davra suhbati shaklida o‘tkazilgan tadbirda akademik litsey ma’muriyati, o‘qituvchilari va o‘quvchilari ishtirok etdilar.

Uchrashuv davomida Davlat test markazi faoliyati, O‘zbekiston Respublikasi Prezidentining 2019-yil 14-maydagi “Oliy ta’lim muassasalariga test sinovlari orqali qabul qilish tizimini takomillashtirish bo‘yicha qo‘shimcha chora-tadbirlar to‘g‘risida” PQ-4319-son, Vazirlar Mahkamasining 2019-yil 3-apreldagi 261-son hamda 2019-yil 13-maydagi 395-son qarorlarining mazmun-mohiyatiga alohida e’tibor qaratildi.

Shular bilan bir qatorda, 2020/2021 o‘quv yili qabuli va kirish test sinovlari jarayonida bo‘ladigan yangilik va o‘zgarishlar, taqdim etilayotgan imkoniyatlar, imtiyozlar hamda hujjat topshirish jarayonida yaratilayotgan qulayliklar va boshqa muhim o‘zgarishlar yuzasidan ma’lumotlar yetkazildi.

Ko‘tarilgan masalalar, yuzaga kelgan savollar bo‘yicha batafsil tushuntirishlar berildi.

Davra suhbati mazmunli, ko‘tarinki ruhda o‘tdi

Davlat test markazi matbuot xizmati