2023-yil 17-fevraldan boshlab o‘rta maxsus kasb-hunar, professional, oliy va oliy ta’limdan keyingi ta’lim sohasiga oid hujjatlarga apostil qo‘yish bilan bog‘liq murojaatlar Bilimni baholash agentligi tomonidan ko‘rib chiqilmoqda.

Vazirlar Mahkamasining 2021-yil 3-dekabrdagi 732-son qarorida apostil qo‘yish uchun BHMning 20 foizi (hozirda 66 ming so‘m) miqdorida yig‘im undirilishi belgilangan bo‘lib, undirilgan yig‘im tegishliligi bo‘yicha 4 ta tashkilot o‘rtasida taqsimlanadi. Talabgorlardan bundan boshqa hech qanday to‘lov talab etilmaydi.

Hujjatlarga apostil qo‘yish bo‘yicha turli firmalarga murojaat qilish shart emas. Buning uchun Davlat xizmatlari markazlari yoki my.gov.uz sayti orqali ariza berish imkoniyati mavjud.

Ushbu video orqali rasmiy hujjatlarga apostil qo‘yish uchun my.gov.uz sayti orqali ariza yuborish tartibi bilan tanishish mumkin.