O‘zbekiston Respublikasi Prezidentining “2021-2022-o‘quv yilida O‘zbekiston Respublikasining oliy ta’lim muassasalariga o‘qishga qabul qilishning davlat buyurtmasi parametrlari to‘g‘risida” qarori bilan 2021-2022-o‘quv yili uchun davlat buyurtmasi parametrlari tasdiqlandi.

Mazkur qarorda maqsadli qabul parametrlari va davlat buyurtmasi parametrlarining tillar kesimidagi taqsimoti besh kun muddatda O‘zbekiston Respublikasi ta’lim muassasalariga o‘qishga qabul qilish bo‘yicha davlat komissiyasi tomonidan tasdiqlanishi belgilangan.

Maqsadli qabul parametrlari va davlat buyurtmasi parametrlarining tillar kesimidagi taqsimoti Davlat komissiyasi tomonidan tasdiqlanganidan so‘ng Davlat test markazining my.dtm.uz saytida 1 kun davomida texnik ishlar olib borilib (oldindan e’lon qilingan holda), qabul parametrlari tizimga kiritiladi.

Shundan so‘ng abituriyentlar ta’lim yo‘nalishlarini tanlashlari mumkin bo‘ladi. Tizimga ta’lim yo‘nalishlarini tanlash imkoniyati qo‘shilganidan so‘ng Davlat test markazining rasmiy veb-sayti va ijtimoiy tarmoqlardagi rasmiy sahifalarida e’lon qilinadi.

Davlat test markazi matbuot xizmati