Joriy yilning aprel, may va iyun oylarida akademik litseylar bitiruvchilarining chet tilini bilish va egallash darajasini aniqlash uchun imtihonlari va chet tillar o‘qituvchilarining bazaviy lavozim maoshlariga oylik ustama haq belgilash test sinovlari o‘tkazilishi munosabati bilan iyun oyida o‘tkazilishi rejalashtirilgan chet tilini bilish va egallash darajasini aniqlash test sinovlari o‘tkazilmaydi.

Aprel oyida o‘tkaziladigan chet tilini bilish va egallash darajasini aniqlash test sinovlari 2021-yilning 1-yarim yilligi uchun so‘nggisi bo‘lib, mazkur imtihonlar 2021-2022-o‘quv yili uchun oliy ta’lim muassasalarining bakalavriat ta’lim yo‘nalishlariga kirish test sinovlaridan so‘ng davom ettiriladi.

Aprel oyida test sinovlarida ishtirok etish istagini bildirgan talabgorlar my.dtm.uz sayti orqali onlayn ro‘yxatdan o‘tib, chet tilini bilish va egallash darajasini aniqlash test sinovlarida ishtirok etish uchun ariza berishlari mumkin.

Davlat test markazi matbuot xizmati