Ma’lumki, biologiya hamda qoraqalpoq tili va adabiyot fanlaridan milliy sertifikat imtihonlari uchun talabgorlarni ro‘yxatga olish 2024-yil 5-10-fevral kunlari amalga oshirilishi e’lon qilingan edi.

2024-yil 10-yanvar kuni Vazirlar Mahkamasining 17-son qarori qabul qilinib, umumta’lim fanlaridan milliy sertifikat imtihonlari uchun talabgorlarni ro‘yxatga olish my.gov.uz sayti orqali amalga oshirilishi belgilandi.

Hozirda Bilimni baholash agentligi va Raqamli hukumat loyihalarini boshqarish markazi tomonidan mazkur xizmatni my.gov.uz saytida ishga tushirish bo‘yicha tegishli ishlar olib borilmoqda.

Shu sababli biologiya hamda qoraqalpoq tili va adabiyot fanlaridan milliy sertifikat imtihonlari uchun talabgorlarni ro‘yxatga olish mazkur xizmat my.gov.uz saytida ishga tushirilganidan so‘ng boshlanishini ma’lum qilamiz.

Bunda mazkur xizmat my.gov.uz saytida joriy etilganidan keyin ro‘yxatdan o‘tish muddatlari va imtihon sanasi bo‘yicha qo‘shimcha ma’lumot beriladi.