2023-yil 21-may kuni ilk bor barcha hududlarda tarix va geografiya fanlaridan milliy sertifikat uchun test sinovlari bo‘lib o‘tdi.

Test sinovlari o‘zbek, rus va qoraqalpoq tillarida tashkil etilib, talabgorlar uchun qulay sharoitlar yaratilgan holda o‘tkazildi.

Unda 5 945 nafar talabgor ishtirok etdi va 13 nafar talabgor tartib-qoidani buzgani uchun test sinovidan chetlatildi.

Huquqiy-me’yoriy hujjatga ko‘ra test sinovi natijalari yigirma ish kuni ichida e’lon qilinishi va eng yuqori ballning kamida 60 foizini to‘plagan talabgorlarga elektron sertifikat taqdim etilishi belgilangan.

Sertifikatga ega abituriyentlarga OTMlarga kirishda mutaxassislik fani bo‘yicha quyidagicha ball beriladi:

• 60 % dan 86 % gacha — maksimal ballga nisbatan tabaqalashtirilgan (proporsional) ball;
• 86 foiz va undan yuqori — maksimal ball.