2020-yil 18-dekabr kuni Davlat test markazida O‘zbekiston Respublikasi Prezidentining davlat stipendiyalariga talabgor bo‘lgan tayanch doktorantlar uchun chet tilini bilish va egallash darajasini aniqlash test sinovlari bo‘lib o‘tdi.

Test sinovlari B2 tilni bilish darajasi bo‘yicha ingliz va fransuz tillaridan (talabgorlarning ixtiyoriga binoan) o‘tkazildi.

Bunda test sinovlarining yozma (tinglab tushunish, o‘qish, leksik va grammatik kompetensiyalar, yozma ish) qismi 1-smenada, gapirish ko‘nikmasini baholash imtihonlari esa 2-smenada bo‘lib o‘tdi.

Test sinovlariga 1 nafar talabgor kelmadi, yana 1 nafar talabgor esa tartib-qoidani buzganligi sababli test sinovlaridan chetlatildi.

Ishtirokchilarning test materiallari tekshirilgandan so‘ng, natijalar Oliy va o‘rta maxsus ta’lim vazirligiga taqdim etiladi.

Davlat test markazi matbuot xizmati