Davlat test markazi tomonidan diagnostik test tizimi (https://5fan.dtm.uz/) tarkibida test materiallariga buyurtma berish xizmati yo‘lga qo‘yildi.

Bunda foydalanuvchilar bir vaqtning o‘zida istalgan miqdorda yangi formatdagi diagnostik test materiallariga buyurtma berish imkoniyatiga ega.

Ushbu xizmatdan https://5fan.dtm.uz/ saytidagi shaxsiy kebinetingizda joylashgan “Kitob buyurtma berish” bo'limi orqali foydalanishingiz mumkin.

Test materiallariga buyurtmalar barcha hududlar (Qoraqalpog‘iston Respublikasi va viloyatlar)ga yetkazib beriladi va siz buyurtmangizni hududlarda joylashgan Davlat test markazining hududiy bo‘limlari orqali olishingiz mumkin.

Davlat test markazi matbuot xizmati