Davlat test markazining rasmiy veb-saytiga “Chet tilini bilish va egallash darajasini aniqlash test sinovlari” bo‘yicha yangi namunaviy test materiallari joylashtirildi.

Talabgorlar https://dtm.uz/page/test_namunalari havolasi orqali yangi test namunalari bilan birgalikda, oldindan mavjud bo‘lgan namunaviy test materiallari bilan ham tanishib, test sinovlariga tayyorgarlik ko‘rishlari mumkin.

Hozirda Davlat test markazining rasmiy veb-saytida:

• A2 tilni bilish darajasi bo‘yicha – ingliz tilidan;
• B1 tilni bilish darajasi bo‘yicha – ingliz, nemis, fransuz va arab tillaridan;
• B2 tilni bilish darajasi bo‘yicha – ingliz, nemis, fransuz va arab tillaridan;
• C1 tilni bilish darajasi bo‘yicha – ingliz, nemis, fransuz va arab tillaridan test namunalari mavjud.

O‘ylaymizki, test namunalari talabgorlarning chet tilini bilish darajasini aniqlash imtihonlariga puxta tayyorgarlik ko‘rishlariga yordam beradi.

Davlat test markazi matbuot xizmati