2022-yil 11-12-13-aprel kunlari Davlat test markazi tomonidan 14 ta umumta’lim fani bo‘yicha test topshiriqlari aprobatsiyasi o‘tkazildi.

Test topshiriqlari aprobatsiyasi barcha hududlarda, jumladan, Qoraqalpog‘iston Respublikasi, viloyatlar va Toshkent shahrida tashkil etildi.

Unda 2022-2023-o‘quv yilida oliy ta’lim muassasalarining bakalavriat ta’lim yo‘nalishlariga kirish test sinovlarida qo‘llaniladigan test topshiriqlari aprobatsiyadan o‘tkazildi.

Aprobatsiyada akademik litsey, ixtisoslashtirilgan umumta’lim maktablari va umumiy o‘rta ta’lim maktablarining 5,5 ming nafardan ziyod bitiruvchilari ishtirok etdi.

Davlat test markazi matbuot xizmati