2022-jıl 17-may kúni joqarı oqıw orınlarınıń bakalavriat tálim baǵdarlarına kiriw test sınaqlarında qollanılatuǵın test tapsırmalarınıń náwbettegi aprobaciyası bolıp ótti.

Test tapsırmaları aprobaciyası Mámleketlik test orayı tárepinen Ferǵana, Jizzax, Sırdarya hám Tashkent wálayatları hám de Tashkent qalasında shólkemlestirildi.

Onda barlıq test tapsırıwshılar ushın májbúriy bolǵan 3 pán hám de matematika, fizika hám ximiya pánleri boyınsha test tapsırmaları aprobaciyadan ótkerildi.

Aprobaciyada akademiyalıq licey, qánigelestirilgen mektepler hám ulıwma bilim beriw mektepleriniń 1000 ǵa jaqın pitkeriwshileri qatnastı.