Mámleketlik test orayı tárepinen ministrlik hám organlar menen birgelikte joqarı bilimlendiriw mákemelerine kiriw test sınaqların sapalı shólkemlestiriw hám ótkeriw boyınsha tayarlıq jumısları dawam etpekte.

2021-jıl 3-may kúni test tapsırmaların qosımsha ekspertizadan ótkeriw isleri baslandı.

Aldınǵı jıllarda test tapsırmaların ekspertizadan ótkeriw tek Mámleketlik test orayı tárepinen ámelge asırılǵan bolsa, usı jılı qosımsha tárizde Bilimlendiriw sapasın baqlaw inspekciyası, Xalıq bilimlendiriw ministrligi, Joqarı hám orta arnawlı bilimlendiriw ministrligi hám mámleketlik test orayı birgelikte ámelge asırılmaqta.  

Bunıń ushın Xalıq bilimlendiriw ministrligi hám de Joqarı hám orta arnawlı bilimlendiriw ministrligi tárepinen usınıs etilgen respublikamızdıń jetekshi pedagoglarınan ibarat isshi topar qáliplestirildi hám isshi topar tárepinen joqarı bilimlendiriw mákemelerine kiriw test sınaqlarında paydalanılatuǵın ulıwma bilimlendiriw pánleri boyınsha test tapsırmalarınıń sapası jáne bir ret qosımsha ekspertizadan ótkerilmekte.

Test tapsırmaların qosımsha ekspertizadan ótkeriw isleri may ayınıń aqırına shekem dawam etedi.

Mámleketlik test orayı xabar xızmeti