Davlat test markazi hamda “Davr press” nashriyot-matbaa uyi qo‘shma loyihasi asosida barcha umumta’lim fanlaridan o‘zbek va rus tillarida test topshiriqlari to‘plamlarini bosqichma-bosqich yil yakuniga qadar sotuvga chiqarish rejalashtirilgan edi va rejaga muvofiq barcha umumta'lim fanlaridan o‘zbek va rus tillaridagi test topshiriqlari to‘plamlari tayyorlanib ommaga havola qilindi. Shu bilan bir qatorda Davlat test markazi rasmiy saytining “Test topshiriqlari to‘plami - 2019” sahifasida nashr etilgan to‘plamlar va ularning sotuv joylari haqida ma’lumot, e-Sinov xizmatidan foydalanish yo‘riqnomasi berilgan hamda javoblar varaqasini yuklab olish imkoniyati mavjud edi.
        Yana bir ma’lumot sifatida foydalanuvchilar uchun nashr etilgan to‘plamlardagi bosma xatoliklarga tuzatishlar sahifasida yoritib boriladi.

Davlat test markazi matbuot xizmati