Mámleketlik test orayı hám de “Davr press” baspa úyi qospa joybarı tiykarında barlıq ulıwma bilimlendiriw pánlerinen ózbek hám rus tillerinde test tapsırmaları toplamların basqıshpa-basqısh jıl juwmaǵına shekem satıwǵa shıǵarıw jobalastırılǵan edi hám jobaǵa muwapıq barlıq ulıwma bilimlendiriw pánlerinen ózbek hám rus tillerindegi test tapsırmaları toplamları tayarlanıp jámiyetshilikke járiyalandı. Sonıń menen bir qatarda Mámleketlik test orayınıń rásmiy saytınıń “Test tapsırmaları toplamı - 2019” betinde baspadan shıqqan toplamlar hám olardıń satılıw orınları haqqında maǵlıwmat, e-Sinov xızmetinen paydalanıw qollanbası berilgen hám de juwaplar betin júklep alıw imkaniyatı bar edi.
        Jáne bir maǵlıwmat sıpatında paydalanıwshılar ushın basıp shıǵarilǵan toplamlardaǵı baspa qáteliklerge dúzetiwler betinde járiyalanıp barıladı.

Mámleketlik test orayı xabar xızmeti