2021-jıl 1-dekabr kúni dekabr ayında bolıp ótetuǵın TOEFL ITP imtixanı ushın talabanlardı onlayn dizimge alıw baslanǵan edi.

Dizimge alıw Mámleketlik test orayınıń my.dtm.uz saytı arqalı ámelge asırılmaqta hám bul process 23-dekabr kúnine shekem dawam etedi.

Test sınaǵı 24-dekabr kúni Tashkent qalasında (Mámleketlik test orayında) onlayn túrde ótkeriledi hám talabanlar test sınaqları juwmaqlanıwı menen óz nátiyjelerin bilip aladı.

Imtixannan tabıslı ótken talabanlarǵa ETS shólkeminiń xalıqaralıq sertifikatı beriledi.

Esletip ótemiz: Ózbekstan Respublikası Prezidentiniń 2021-jıl 19-maydaǵı PQ-5117-sanlı qararına tiykarlanıp C1 dárejege sáykes keliwshi TOEFL ITP sertifikatına iye bolǵan oqıw orınlarınıń shet tilleri oqıtıwshılarına olardıń bazalıq tarif stavkasına salıstırǵanda hár ay 50 procent muǵdarında qosımsha ústeme beriledi.

Talabanlar tómendegi silteme arqalı test úlgileri menen tanısıwları hám test sınaǵına tayarlıq kóriwleri múmkin: https://www.ets.org/toefl_itp/l1v3_ebook.