May ayında bolıp ótetuǵın TOEFL ITP hám TOEIC imtixanları ushın talabanlardı onlayn dizimge alıw baslandı.

Talabanlardı dizimge alıw 27-mayǵa shekem Mámleketlik test orayınıń my.dtm.uz saytı arqalı ámelge asırıladı.

Bul eki imtixan 28-may kúni Tashkent qalasında Mámleketlik test orayınıń imaratında kompyuterde elektron túrde ótkeriledi.

Imtixannan tabıslı ótken talabanlarǵa ETS shólkeminiń xalıq aralıq sertifikatı beriledi.

Test sınaǵı ushın tólem:

• TOEFL ITP – bazalıq esaplaw muǵdarınıń 3,5 esesi (945 000 sum);
• TOEIC – bazalıq esaplaw muǵdarınıń 5,5 esesin (1 485 000 sum) quraydı.

Ózbekstan Respublikası Prezidentiniń 2021-jıl 19-maydaǵı PQ-5117-sanlı qararı menen C1 dárejege sáykes keliwshi sertifikatqa iye bolǵan oqıw orınlarınıń shet tilleri páni oqıtıwshılarına olardıń bazalıq tarif stavkasına salıstırmalı hár ay 50 procent muǵdarında ústeme beriledi.