Davlat test markazi tomonidan barcha test topshiruvchilar uchun majburiy uchta fan — ona tili (o‘zbek, rus yoki qoraqalpoq tili), matematika va O‘zbekiston tarixi fanlari bo‘yicha namunaviy test topshiriqlari ishlab chiqilib, 2019-yil 22-oktabr kuni Toshkent shahri va Toshkent viloyatida mazkur test topshiriqlarining aprobatsiyasi o‘tkazildi.

Aprobatsiya quyidagi ta’lim muassasalarida o’tkazildi.

Toshkent shahrida 10 ta ta’lim muassasasida rus tilida:

• Turin politexnika universiteti huzuridagi akademik litsey;
• O‘zbekiston milliy universitetining Sirojiddinov akademik litseyi;
• Toshkent davlat iqtisodiyot universiteti akademik litseyi;
• Toshkent pediatriya tibbiyot instituti akademik litseyi;
• Toshkent axborot texnologiyalari universiteti akademik litseyi;
• Mirobod tumani 94-umumta’lim maktabi;
• Mirzo Ulug‘bek tumani 208-umumta’lim maktabi;
• Uchtepa tumani 107-umumta’lim maktabi;
• Yunusobod tumani 257-umumta’lim maktabi;
• Yashnobod tuman 166-umumta’lim maktabi.

Toshkent viloyatida 5 ta ta’lim muassasasida o’zbek tilida:

• Toshkent davlat agrar universiteti akademik litseyi;
• Piskent tumani 1-umumta’lim maktabi;
• Piskent tumani 4-umumta’lim maktabi;
• Zangiota tumani 22-umumta’lim maktabi;
• Zangiota tumani 25-umumta’lim maktabi.

Aprobatsiya jarayoni 24-oktabr kuni Qoraqalpog’iston Respublikasi, Samarqand, Buxoro, Jizzax va Namangan viloyatlarida ham o’tkaziladi.

Davlat test markazi matbuot xizmati