2020-yil 5-noyabr kuni Andijon, Farg‘ona, Buxoro, Samarqand, Jizzax, Qashqadaryo, Surxondaryo, Xorazm va Toshkent viloyatlarida hamda Toshkent shahrida Turizmni rivojlantirish davlat qo‘mitasi tasarrufidagi kollej va texnikumlarga kirish test sinovlari boshlandi.

Test sinovlari 5-7-noyabr kunlari katta sig‘imli binolarda sanitariya-gigiyena talablariga rioya qilingan holda 3 smenada o‘tkaziladi.

Bunda hududga kirish joylarida nomzodlarning tana harorati o‘lchanib, ular tibbiy niqob va qo‘lqop bilan ta’minlanadi.

Test sinovlari 22 ta ta’lim yo‘nalishi bo‘yicha o‘zbek va rus tillarida o‘tkaziladi.

Test olinadigan fanlar 2 blokdan iborat bo‘lib, har bir fan bloki 20 tadan, umumiy 40 ta test topshirig‘ini o‘z ichiga oladi.

Davlat test markazi matbuot xizmati