Turk tilini bilish darajasini aniqlash bo‘yicha 28-oktabr kuni bo‘lib o‘tadigan test sinovi uchun ruxsatnomalar my.gov.uz saytiga joylandi.

Test sinovining yozma qismi 28-oktabr kuni soat 14:00 da boshlanishi belgilangan bo‘lib, gapirish ko‘nikmasini baholash imtihonlari 1–6-noyabr kunlari bo‘lib o‘tadi.

Talabgorlar imtihon joyi, kuni va aniq vaqtini my.gov.uz saytining “Mening arizalarim” bo‘limidan bilishlari va ruxsatnomani yuklab olishlari mumkin.

Talabgorlardan test sinovi o‘tkaziladigan hududga belgilangan vaqtdan kamida bir soat oldin shaxsini tasdiqlovchi hujjat (pasport yoki ID-karta) bilan kelishlari so‘raladi.

Izoh: Test sinovi natijalari Vazirlar Mahkamasining qaroriga muvofiq imtihonlar yakunlangandan so‘ng bir haftada e’lon qilinadi.