2019-yil 7-oktabr kuni Turkiya Respublikasining Baholash, tanlash va joylashtirish markazi (ÖSYM – “Ölçme, Seçme ve Yerleştirme Merkezi”) rahbariyati O‘zbekiston Respublikasi Vazirlar Mahkamasi huzuridagi Davlat test markaziga tashrif buyurdi.

Delegatsiya tarkibida professor, doktor Halis Aygun (ÖSYM rahbari), professor, doktor Ismail Akyol (rahbar o‘rinbosari), Bahrialp Tutal (ÖSYM Matbuot kotibi) hozir bo‘ldilar.

Tashrifning birinchi kunida Davlat test markazi rahbariyati bilan tanishuv va kengaytirilgan uchrashuv o‘tkazildi.

Uchrashuvda test sinovlarini o‘tkazish, baholash, tanlash, joylashtirish va bu yo‘nalishlarda axborot xavfsizligini ta’minlash masalalari bo‘yicha fikrlar almashildi.

Shu kunning o‘zida delegatsiya a’zolari Davlat test markazida Test sinovlarini tashkil etish va muvofiqlashtirish bosh boshqarmasi, Test texnologiyalarini rivojlantirish boshqarmasi va Chet tilini bilish va egallash darajasini baholash boshqarmasi faoliyati bilan yaqindan tanishdi.

Turkiyalik nufuzli mehmonlarning tashrifi 4 kun davom etadi.

Davlat test markazi matbuot xizmati