2019-yil 10-oktabrda Turkiya Respublikasining Baholash, tanlash va joylashtirish markazi (ÖSYM – “ÖLÇME, SEÇME ve YERLEŞTIRME MERKEZI”) rahbariyatining Davlat test markaziga tashrifi yakunlandi.
Tashrif davomida test sinovlarini tashkil etish, o‘tkazish, baholash, tanlash, joylashtirish va bu yo‘nalishlarda axborot xavfsizligini ta’minlash masalalari bo‘yicha fikrlar almashildi. Tashrif yakunida Davlat test markazi va ÖSYM o‘rtasida test sinovlarini tashkil etish va o‘tkazish yuzasidan hamkorlik aloqalarini tizimli davom ettirish va bu to‘g‘risida tegishli memorandum imzolashga kelishib olindi.
Turkiyalik mehmonlar tashrif davomida Samarqand shahriga borib, u yerdagi diqqatga sazovor joylarni, jumladan, Go‘ri Amir maqbarasi, Registon me’moriy majmuasi, Imom Moturudiy yodgorlik majmui, Ulug‘bek rasadxonasi, Shohi Zinda ansambli, Islom Karimov maqbarasi va Hazrati Hizr masjidini ziyorat qildilar. Ushbu tarixiy obidalar mehmonlarda katta taassurot qoldirdi.
Davlat test markazi matbuot xizmati
2024-yilning 2-yarmida bo‘lib o‘tadigan chet tili imtihonlari