Turkiya Respublikasınıń Bahalaw, tańlaw hám jaylastırıw orayı menen birge islesiwdi jánede bekkemlew hám de eki shólkem ortasında Memorandumǵa qol qoyıw maqsetinde 2022-jıl 14-mart kúni Mámleketlik test otayı delegaciyası Turkiya Respublikasına saparǵa ketken edi.
15-mart kúni Turkiya Respublikasınıń Bahalaw, tańlaw hám jaylastırıw orayı hám de Ózbekstan Respublikası Ministrler Kabineti janındaǵı Mámleketlik test orayı ortasında test sınaqların ótkeriw, bahalaw, tańlaw, jaylastırıw hám usı baǵdarda informaciyalıq qáwipsizlikti támiynlew boyınsha tájiriybe almasıw hám bul tarawda óz ara birge islesiwdi rawajlandırıw maqsetinde Memorandumǵa qol qoyıldı.
Mámleketlik test orayı hám Turkiya Respublikasınıń Bahalaw, tańlaw hám jaylastırıw orayı Memorandumǵa qol qoyıw arqalı áhmiyetli tarawlarda birge islesiwge kelisip aldı.
Mámleketlik test orayınıń málimleme xızmeti
