Mámleketlik test orayınıń qánigelerinen ibarat delegaciya tárepinen birge islesiw joybarları hám dárejesin rawajlandırıw, tarawǵa baylanıslı zamanagóy, sapalı hám nátiyjeli tájiriybeler bazasın keńeyttiriw maqset etilgen bul xalıq aralıq sapar sheńberinde Turkiya Respublikasınıń Bahalaw, tańlaw hám jaylastırıw orayınıń iskerligin úyreniw dawam ettirildi.

17-mart kúni Mámleketlik test orayınıń delegaciyası ushın Turkiya Respublikasınıń Bahalaw, tańlaw hám jaylastırıw orayı tárepinen náwbettegi prezentaciya ilajı shólkemlestirildi.

Oray strukturasındaǵı basqarma hám bólinbelerdiń náwbettegi prezentaciyaları iskerliktiń tómendegi baǵdarlarına arnaldı:

• “Mayıplılıǵı bolǵan talabanlarǵa imtixanlardı shólkemlestiriw” (Mayıplar imtixanların shólkemlestiriw basqarması);
• “Imtixan natiyjelerin bahalaw” (Informaciyalıq qáwipsizlik hám basqarıw basqarması);
• “e-Imtixan elektron qosımshaları” (Informaciyalıq qáwipsizlik hám basqarıw basqarması).

Usı kúni Mámleketlik test orayı delegaciyasınıń aǵzaları e-Imtixan orayına bardı hám onıń jumısı menen tolıq tanıstı. Olar menen ÖSYMnıń Informaciyalıq qáwipsizlik hám basqarıw hám de Imtixan xızmetleri basqarmalarınıń baslıqları birgelikte boldı.

Mámleketlik test orayınıń málimleme xızmeti