Davlat test markazi umumta’lim fanlaridan test topshiriqlarini shakllantirish uchun quyidagi umumta’lim fanlari bo‘yicha (o‘zbek va rus tillarida) oliy ma’lumotga ega bo‘lgan malakali mutaxassislarni hamkorlik asosida ishga taklif qiladi.

Mutaxassislar:

• ona (o‘zbek, rus, qoraqalpoq, tojik, qozoq, qirg‘iz, turkman) tili va adabiyot;
• ingliz tili;
• nemis tili;
• fransuz tili;
• fizika;
• matematika;
• kimyo;
• biologiya;
• tarix;
• geografiya;
• huquqshunoslik fanlari bo‘yicha ishga taklif qilinadi.

Talabgorlarga qo‘yiladigan talablar:

• mutaxassisligi bo‘yicha pedagogik tajribaga ega bo‘lish;
• ta’limga oid me’yoriy-huquqiy hujjatlar (“Ta’lim to‘g‘risida”gi qonun, davlat ta’lim standartlari, o‘quv dasturlar, amaldagi darsliklar) bilan ishlay olish;
• test topshiriqlarining turlari haqida ma’lumotga ega bo‘lish;
• mutaxassislik fanidan test topshiriqlarini shakllantirish va ekspertiza qila olish ko‘nikmasiga ega bo‘lish.

Talabgorlardan o‘zlari to‘g‘risidagi ma’lumotnoma (obyektivka) ni telefon raqamlarini ko‘rsatgan holda maxsus_fan@dtm.uz elektron pochta manziliga yuborishlari so‘raladi.

Hujjatlar 2022-yil 10-yanvarga qadar qabul qilinadi.

Hamkorlik asosida ishga qabul qilingan mutaxassislar uchun Davlat test markazi huzuridagi Ilmiy-o‘quv amaliy markazi tomonidan “Bilimlarni baholash testlarini ishlab chiqish nazariyasi va amaliyoti” bo‘yicha 36 soatga mo‘ljallangan malaka oshirish kurslari tashkil etiladi.

Davlat test markazi matbuot xizmati