O‘zbekiston xalqining jahon urushi davrida ko‘rsatgan jasorati, bukilmas irodasi va matonati, insonparvarlik fazilatlari avlodlar uchun muqaddas xotira va odamiylikning yuksak namunasi bo‘lib qolmoqda. Bugungi tinch va osoyishta, erkin va farovon hayot uchun aziz jonini fido qilgan ajdodlarimizning yorqin xotirasini yod etib, ularning ezgu ishlarini munosib davom ettirish — tinchlikni buyuk ne’mat deb biladigan bag‘rikeng va oliyjanob xalqimizga xos azaliy qadriyatdir.

Mamlakatimizda 9-may umumxalq bayrami — Xotira va qadrlash kuni sifatida keng nishonlanadi va fashizmga qarshi kurashga munosib hissa qo‘shgan mehnat va urush faxriylariga hurmat-ehtirom ko‘rsatiladi.

Shu munosabat bilan mazkur sana oldidan Bilimni baholash agentligi xodimlari Yashnobod tumanida istiqomat qiluvchi mehnat va urush faxriylari Antonina Gorchakova, Mixail Frolov va Nina Martinovalarning xonadonlarida bo‘ldilar.

Agentlik xodimlari urush faxriylarining ko‘rsatgan jasorati, farovon hayot uchun qilgan og‘ir va sharafli mehnatlari va el-yurtiga bo‘lgan sadoqatini e’tirof etar ekan, ularning bosib o‘tgan yo‘li, hayotiy tajribasi o‘sib kelayotgan yosh avlodga ibrat namunasi ekanligi alohida ta’kidlandi.