2020-yil 23-24-dekabr kunlari Qoraqalpog‘iston Respublikasi, viloyatlar va Toshkent shahrida chet tillar o‘qituvchilarining bazaviy lavozim maoshlariga oylik ustama belgilash test sinovlarining birinchi bosqichi bo‘lib o‘tdi.
Test sinovlari ingliz, nemis, fransuz, xitoy, koreys, yapon, turk, fors, pushtu va ispan tillaridan o‘tkazildi.
Unda ishtirok etishi belgilangan 4 387 nafar chet tillar o‘qituvchilarining 3 952 nafari ishtirok etdi. 435 nafar talabgor test sinovlariga kelmadi, 33 nafari esa tartib-qoidani buzganligi sababli test sinovlaridan chetlatildi.
Quvonarlisi, mazkur test sinovlari ilk bor brayl alifbosida ham o‘tkazildi.
Ya’ni, ko‘zi ojiz test topshiruvchilarga qulaylik yaratish maqsadida ularga brayl alifbosida chop etilgan test materiallari taqdim etildi.
Davlat test markazi brayl alifbosida test materiallarini chop etishda amaliy yordam bergan Ko‘zi ojizlar jamiyatiga o‘z minnatdorchiligini bildiradi.
Test sinovlarining ikkinchi bosqichi 2021-yil yanvar oyida o‘tkaziladi.
Davlat test markazi matbuot xizmati
O‘zbek tili va adabiyot fanidan milliy sertifikat imtihonlari bo‘yicha bildirilgan fikrlarga rasmiy munosabat