Chet tillar o‘qituvchilarining bazaviy lavozim maoshlariga oylik ustama belgilash test sinovlarining birinchi bosqichi 2020-yil 23-24-dekabr kunlari o‘tkazilishi, talabgorlar test joyi, kuni va vaqtini shaxsiy kabineti orqali bilib olishlari mumkinligi haqida xabar bergan edik.
17-dekabr kuni telegramdagi kanallardan birida Davlat test markazi tomonidan Xalq ta’limi vazirligiga yuborilgan xatning to‘liq skaner qilinmagan holati e’lon qilindi.
Shundan so‘ng o‘qituvchilar tomonidan Davlat test markaziga men ro‘yxatda yo‘q ekanman degan mazmundagi ko‘plab murojaatlar kelib tushmoqda.
Shuni ma’lum qilamizki, shaxsiy kabinetingizda test joyi, kuni va vaqti ko‘rsatilayotgan bo‘lsa, Siz albatta test sinovlarida ishtirok eta olasiz.
Eslatib o‘tamiz, talabgorlar test sinovi o‘tkaziladigan hududga belgilangan vaqtdan kamida yarim soat oldin shaxsini tasdiqlovchi hujjat – pasport bilan kelishlari lozim.
Test sinoviga kechikkan yoki kelmagan talabgorlar uchun qo‘shimcha test sinovi o‘tkazilmaydi.
Davlat test markazi matbuot xizmati
O‘zbek tili va adabiyot fanidan milliy sertifikat imtihonlari bo‘yicha bildirilgan fikrlarga rasmiy munosabat