2019-yil dekabr – 2020-yil yanvar oylarida o‘tkazilgan chet tillari o‘qituvchilarining bazaviy lavozim maoshlariga oylik ustama haq belgilash uchun bo‘lib o‘tgan sinovlarning «Gapirish» ko‘nikmasi bo‘yicha natijalar e’lon qilindi.

Natijalar haqidagi to‘liq ma’lumot https://nsfla.dtm.uz/ saytidagi foydalanuvchining shaxsiy kabinetida berilgan.

Test sinovlaridan muvaffaqiyatli o‘tgan chet tillari o‘qituvchilari ma’lumotnomalarini Toshkent shahrida 10-fevraldan boshlab Davlat test markazidan, Qoraqalpog‘iston Respublikasi va viloyatlarda 14-fevraldan boshlab Davlat test markazining hududiy bo‘limlaridan olishlari mumkin.

Eslatib o‘tamiz: ma’lumotnoma olish uchun shaxsini tasdiqlovchi hujjat bilan kelish talab etiladi.

Davlat test markazi matbuot xizmati